vendredi, février 03, 2017

نكتة عن الأحزاب المغربية:


-العدالة و التنمية التلميذ المجتهد لي كيجي هو الأول . و  مكيحملوش المدير .
-الأصالة و المعاصرة ولد المدير ،فالامتحانات كيعاونو المعلم و المفتش و العساس ديال المدرسة و كيجي هو الثاني بزز.
-التقدم و الاشتراكية التلميذ الكسول لي كيطير فالشفوي و فالكتابي مكيجيبش المعدل.
-الأحرار ولد الفشوش باه لباس عليه كيدير السوايع كيطير فالفرنساوية و لكن حتى هو ما كيجيبش المعدل.
-الاستقلال خوتو لكبار كانو كيقراو مزيان لكن هو كيجيب المعدل غير بزز.
-الاتحاد الاشتراكي كان كيقرا مزيان فالتحضيري دابا ولا عاطيها غير للنقلة.
-الحركة الشعبية ملاباسش عليه، مكيقراش مزيان، باه ماشي مدير، ايامات الامتحانات مصاحب مع المجتهد، يامات النتائج مصاحب مع ولد المدير، يامات العطلة مصاحب مع لي لباس عليه.
-الاتحاد الدستوري داك التلميذ لي بحال كاين بحال ماكاينش.
-اليسار الاشتراكي الموحد يالاه دخل المدرسة قرا مزيان و لكن ما دار والو و ما فهم والو و كيتشكی من المعلم و من المدير و من التلاميذ و من الآباء و الأولياء و من الأمم المتحدة ومن رومبو. ..
-الأحزاب الآخرين جراو عليهم من المدرسة حيت جابو نوت اليمينتوار.

منقول

mercredi, janvier 11, 2017

ولاد اليوم

هاها.... جابتها لو فالتمام

mardi, janvier 10, 2017

حمام الميمة زمان 😊


فاش كنا صغار كنكرهو شي حاجة سميتها الحمام علاش ؟؟

حيت الميمات الله يرحمهم واللي عايشة يطول فعمرهوم كانو كايعذبونا تعذيب ملي يكونو كايدوشو لينا ..

ربي اللي عالم بيا ملي تقول ليا نوضي الحمام كنتصرع من الخلعة ...وكانقلب غي فين نتخبا..

كتبدا رحلة التعذيب من تحياد الحوايج...

تحيد لي التريكو تكول كاتريش الدجاج... و وذنيا كلا وحدة فيهم فجيهة ...

الوقت كامل تاع التدواش خاصك تكون گالس قرفصاء ..
ولكن الحاجة راه ضروني رجليا والله...

وكتجيني واحد التسرفيقة من حيث لا أدري ... سوووكتيي

أما بالنسبة للما خاصو ضروري ولابدا يكون تحت درجة الغليان ...

الحاجة آ الحاجة راه سلقتيني طيبتيني ..

وهاهيا التسرفيقة الثانية قلبت عليها ...

و ملي تكون كاتحك ليا وجهي قسما بالله تگول كاتحك المصباح تاع علاء الدين  باش يخرج داك الجني اللي فيه ..
وراسي كايضور من الليمن لليسر تگول الصفارة تاع الكوكوط ..
والمشكلة مللي ينزل ليا الصابون على عينيا و تكون باغا تحيدو كاتبدل ليا الملامح ديال وجهي كاملين ... وهادشي بلا العينين اللي تايحرقوني ..

ونجيو ملي تشد ليك نيفك وتگوليك دير  نننففففففف..
كاتولي تنفنف من ودنيك حيت گاع المجاري ديال التنفس مسدودة ...

#فقرة الكيس
كتشد الكيس كتفركو فالصابونة و كاتمشي نيشان لظهرك وتما كاتنزل عليك تگول شي جزار كايمضي فالجناوي ديال الدبيح ...

طبعا ربي اللي كايسترنا والله اما راه الحكان ديالها يجيب شلل رباعي ...
واخا غا تهدني شوية يا نبع الحنان راه كانحس بحال لا راك تحكي فالفرماج الحمر ...

وملي تخرج من الحمام وتشوف راسك فالمرايا وتشوف لحمك كيتفور  تگول شي كوكوط عاد تحلات ...

ريوس صباعك كايكونو مكمشين ولونك بين الحمر والبيض من كثرت الحكان ....

أجيو دابا مللي تبغي تلبس ليك الحوايج ..

راسك كايكون كبير ب خمسة تالمرات من الفم تاع التريكو وهيا خاصها دخلو ليك بزز تا تولي تحس بلي راه ودنيك مشاو مع التريكو ...

كاتلبسك الاولى  التريكو الثاني و وياك تم وياك تفلت الكم تاع  التريكو لا گالت ليك شدو باش تلبس اللي بعدها ...

كانجيو لمشيط الشعر ...
حفاظا على سلامة الرأس من القمل والشوائب  كتغرز المشطة فالشعر وتما كايبدا الحرث الطبيعي  وطبعا كاين احتمال أن السنان تاع المشطة يوصلو لمخك ...

------------------------------
حمام نبع الحنان واخا تكون صومالي تولي أبيض فاقع
 
😂😂😂😂
الله ارحم أيام زمان 

😎😎😎
--منقول

lundi, janvier 09, 2017

مصطلحات مغربية خاااصة

يتفنن المغاربة في اختراع كلمات مبهمة وذلك للتعبير عن حالات او وقائع او جهات معينة. واتحدى اي احد اي يعرف ما يلي:
- المخزن
- التماسيح
-الشعبوية
- التحكم
- العفاريت
- ... و زيد وزيد

Une erreur est survenue dans ce gadget